Nye utfordringar for Fredrik

Sogndal Fotball og Sotra SK er samde om ein overgang for Fredrik Flo. Fredrik har slutta seg til sine nye lagkameratar, og han blir å sjå i den blå drakta i sesongen 2019.

- Eg har fått et veldig godt inntrykk av Sotra hittil. Det er ein fin og inkluderande gjeng som har tatt meg veldig godt imot, seier Fredrik.

Sotra spelte i 3. divisjon i fjor og rykka opp til Post Nord-ligaen. I år ventar eit tøft år, og Fredrik er klar for å ta utfordringa, i ny posisjon.

- Eg blir prøvd ut i ein ny posisjon no, som midtstoppar, så mitt personlege mål no er å å tilpassa meg den posisjonen på best mogleg måte, og etter kvart når eg er klar for det, spele meg til ein fast plass på laget.

Fredrik har gått gradene i Sogndal Fotball, og fekk kontrakt med A-laget i 2015. Tilsaman vart det ni kampar og tre skåringar for A-laget. Dei beste minna kom med opprykket i 2015, og det å få spela mot Rosenborg på Lerkendal er noko Fredrik hugsar godt.

Fredrik var på utlån til Bryne i 2017 og Fana i 2018.

- Eg er veldig takknemleg for tida eg fekk i Sogndal, der eg har lært utrulig masse, seier Fredrik, og ynskjer å takka trenarane og andre i klubben for tida me har hatt i lag.

Me takkkar Fredrik for strålande innsats, og ynskjer han lukke til i Sotra.