Agent Latifu på Fosshaugane
Terje Teigen slo av ein prat med vår gamle ven
Denne veka har me hatt eit gjensyn med vår gamle ven Akeem Latifu. Han er i Sogndal som agent for ein forsvarsspelar som er på prøvespel.
Akeem spelte for oss i 2018 og var ein populær kar på Fosshaugane. Etterpå har han vore innom Mjøndalen og Jerv, no er han agent.
Terje Teigen slo av ein prat med vår gamle ven.
- Det er som å kome heim, sa Akeem til Terje. Han bur no i Manchester med familien.
Dei siste to åra har Latifu vore agent, og det er difor han har reist til sine gamle vener i Sogndal denne gang.
Med seg til Saftbygda har han med seg Desmond Tawiah, ein 19-årig forsvarsspelar frå Ghana med sterk fysikk og god venstrefot. Desmond har vore med på trening i Sogndal og vil få sjansen til å visa seg fram mot AaFK på Color Line Stadion i morgon.
Det var kjekt å sjå Akeem på Fosshaugane att!
