Besøk frå FBK Voss!
Hallgeir Finbråten og Roger Hovland frå FBK Voss var i dag på besøk i Sogndal!
Saman med dei ulike samarbeidsklubbane våre gjennomfører me jamnlege møter og samtalar mellom representantar frå klubbane. Dette kan vera møter med ein enkelt klubb eller større arrangement med fleire involverte. I dag var dagleg leiar Hallgeir Finbråten og styreleiar Roger Hovland frå FBK Voss på besøk på Fosshaugadn. Saman med klubb- og breiddekoordinator Kristian Ask i Sogndal Fotball såg dei blant anna på korleis me kan utvikle eit godt samarbeid vidare.
Innhaldet i møtet var alt frå klubbstatus hjå begge klubbar til gjennomgang av samarbeidsavtalen. Det vart også diskutert turneringssamarbeid der FBK Voss har mykje erfaring frå Voss Cup, og Sogndal Fotball frå Lerum Cup. Arrangement som blei diskutert for framtida var trenar- og lagleiarforum og klubbesøk der representantar frå Sogndal Fotball reiser ut til samarbeidsklubbane. Møtet vart avslutta med biletetaking og ein tur i Sognahallen for å sjå på treninga til A-laget.
Klubb- og breiddekoordinator Kristian Ask om møtet:
«Det var kjekt å helse på FBK Voss over ein kaffikopp og ein god fotballprat. Det er ein klubb som har spennande og ambisiøse ting på gang med Voss Cup, slik som oss med Lerum Cup. Praten hang laust og det er utvilsamt mykje å hente i ein slik samarbeidsavtale. Vil benytte muligheten til å takke Hallgeir og Roger for besøket og ønskje Voss-laga som skal på treningssamling her til helga, velkommen!»
Me takkar FBK Voss for besøket og ser fram til vidare samarbeid!
STAO NO PAO!
