Før Avspark

Me er klare for den 2. runden av OBOS-ligaen 2023. I dag får me besøk frå sykkelbyen Sandnes - Sandnes Ulf  har teke turen og avspark er klokka 15:00.

Me hadde vår første seriekamp for året borte mot KFUM på måndag. Etter ein oppløftande kamp har karane teke med seg energien inn mot dagens oppgjer og det er ein tent gjeng som gjer seg klar til dyst.

Laget til Bjarne Berntsen og kompani fekk ein pangopning på sesongen då dei vann 4-1 mot Skeid i seriepremieren, me ha planen klar for korleis me skal stoppa Martin Ramsland og dei andre i lyseblått!

Slik enda kampane i den første serierunden

I runde 2 har me desse oppgjera

Det er tidleg, men ein titt på tabelle kan me kosta på oss, og den ser slik ut etter den første serierunden

Me har ikkje gjort det så skarpt mot Sandnes Ulf dei siste åra, med unntak frå i 2021. I fjor tapte me begge kampane. Først 1-2 heime på Fosshaugane i mai, og deretter gjekk det heilt gale då me møtte dei att i Sandnes i august, der resultatet vart heile 6-0 til dei lyseblå.

Dette har assistenttrenar Rune Bolseth veldig lyst til å gjera noko med i år. Me snakka med han før kampen.

Med god hjelp frå vår tolvte mann skal me ta Sandnes Ulf i dag. I lag skal me vinna kampen og gå heimatt med gode smil rundt munnen.

Billett til kampen får du kjøpt her

Yr kan melda at det blir litt regn, svak vind og rundt 7 grader under kampen.