Fortent og viktig siger!

Det stod 1-3 på måltavla då me runda 95 minutt på M.U.S. Arena i Stjørdal i kveld!

Kampen starta med eit solid press frå våre karar. Då Peter Godly Michael kunne skåra 1-0 etter berre 10 minutt, var det etter eit fantastisk angrep som ga oss trua på at dette kunne bli ein riktig fin kveld i Trøndelag.

Dei første tjue minutta var karane våre heilt overlegne i spel og sjansar, men så slapp me oss litt ned, og heimelaget utlikna etter ei flott heading i det 26. minuttet ved Sondre Stokke.

Les om kampen i Sogn Avis

Rett før pause tok me leiinga på ny, og det var Jónatan Jónsson som skaut i det 41. minuttet. Som me kan sjå av TV-bileta var det retningsforandring og sjølvmål etter at ballen var innom uheldige Fredrik Vinje på veg inn i nettmaskene.

Stillinga til pause var 1-2, og det var fullt fortent.

Etter kvilen gjekk karane våre ut for å sikra sigeren, og etter fem minutt av andre ongang satt den då Jónatan skåra på eit lekkert frispark rett i krysset.

Etter dette var det lite som kunne sjå ut som at heimelaget hadde noko å slå tilbake med, og me vann dermed ein viktig bortesiger, årets første!

Les kampreferat i Firdaliven

Allereie på søndag er det ny kamp mot Sandnes Ulf, som i dag vann 1-0 borte mot Skeid. Billett til kampen søndag, der avspark er klokka 15:00, kjøper du her

Stjørdals-Blink – Sogndal 1–3 (1–2)

OBOS-ligaen, 8. serierunde, MUS stadion Sandskogan, torsdag 26. mai

Mål: 0–1 Peter Godly Michael 10. min, 1–1 Sondre Stokke 26. min, 1–2 Fredrik Vinje 41. min (sjølvmål), 1–3 Jonatan Jonsson 50. min

Gule kort: Kjetil Tøsse, Stjørdals-Blink

Domar: Eivind Bodding, Haga

Tilskodarar: 496

Stjørdals-Blink (4–3–3): David Paulmin – Mathusan Sandrakumar, Håvard Lortentsen, Aleksander Foosnæs, Robin Jatta – Fredrik Vinje, Kjetil Tøsse, Morten Strand (Ole Kristian Rødahl frå 87.)– Ivar Rønning, Sondre Stokke (Vegard Fiske frå 87.), Johann Kosberg (Mats Lillebo frå 46.)

Sogndal (4–4–2): Renze Fij – Axel Kryger, Andreas van der Spa, Martin Ove Roseth, Andreas Hoven – Jonatan Jonsson (Anders Nord frå 90.), Mathias Blårud, Ulrik Mathisen, Sondre rjasæter (Emanuel Grønner frå 88.) - Peter Godly Michael (Kristoffer Hoven frå 70.), Valdimar Ingimundarson.

Stao no pao!!