Ghanesiske Richard Acquaah er på prøvespel!
Forsvarsspelaren Richard Acquaah er på prøvespel dei kommande vekene A-laget
Richard Acquaah, 14. april f. 2002, er for tida på prøvespel hjå Sogndal Fotball. Richard kjem frå Accra i Ghana og er ein defensiv spelar, med offensive kvalitetar.
- Tida me er inne i no er ein god periode for å teste ut spelarar før sommarvindauge opnar. Richard kjem til oss for å vise kva kvalitetar han har, og blir her eit par veker, fortel Håvard Flo.
Richard tilhøyrer Nsoatreman Football Club som spelar i Ghanesisk Premier League. No kjem han til Saftbygda på prøvespel, og me gler oss til å sjå han på treningsfeltet.
- Det er viktig å understreke at dette berre er eit prøvespel. Me ønskjer no å sjå kva nivå han held, og etter nokre veker veit ein betre kva status er, fortel Håvard Flo.
Me ønskjer Richard velkommen til Sogndal og håpar han får eit godt prøvespel saman med resten av gjengen!
STAO NO PAO!
