Runde 11: Sogndal - Stabæk

Kjøp billett her!

Det vart tap i førre serierunde, men me skal slå tilbake. Neste kamp kjem allereie på laurdag, og me får besøk av Stabæk. Det blir ein tøff kamp om poenga, men karadn skal vera klare for å kjempa! 

Me har gjennomført den fyrste tredelen av sesongen, og for Stabæk har den inneheldt store oppturar, men også store skuffelsar. Alt frå sigrar som 5-0 heime mot Kongsvinger og 1-3 borte mot Vålerenga til 3-0 tap for Ranheim har vore på menyen for Bærumslaget. 3-0-leiing mot Moss vart 3-3, og 4-0-leiing mot Egersund enda til slutt i 4-5-tap(!). Stabæk er eit veldig godt lag, og på laurdag er dei lystne på å revasjere kollapsen mot Egersund. Me ventar oss ein skikkeleg tøff kamp, og skal vera klare for å kjempa om poenga.

Karadn våre er også revansjelystne etter det sure tapet på Sør Arena. Me vil tilbake på vinnarsporet, og neste sjanse kjem altså allereie på laurdag. Etter 10 spelte serierundar ligg me på 6. plass på tabellen med 3 poeng ned til Stabæk på 8. plass. Laurdagens motstandar har ein kamp mindre spelt, så kvart poeng blir viktig for å henge med i toppen.

Skraol Pub opnar som vanleg 2 timar før kampstart, og ein er hjartleg velkommen innom for noko godt å drikke og ein fin fotballprat. Sogndalbui er også open før kampen slik at ein kan få kjøpt supportarartiklar der. Sjekk gjerne ut nokre av produkta me sel i nettbutikken!

Gå til Sogndalbui!

Me minnar også om endringane på Fosshaugadn i samband med renovering av Svingenbygget. Meir om desse endringane kan ein lese i denne saka!

Me ønskjer dykk velkommen til Fosshaugadn, og håpar å sjå deg til kampen på laurdag! Ta med deg vennar, familie eller naboen - dette blir kjekt!

Kjøp billett her!

STAO NO PAO!