Runde 19: Moss - Sogndal
Me møter Moss på Melløs i den 19. runden av OBOS-ligaen! A-laget
Moss - Sogndal
-
Måndag 19. august kl. 19:00
-
Melløs Stadion
-
OBOS-ligaen 2024, runde 19
Det er duka for ein ny tøff bortekamp i OBOS-ligaen, og me tek turen til Melløs Stadion. Me er klare for toppkamp, og skal på tur for å kjempa med oss 3 poeng heim til Sogndal!
Moss har gjort det godt i årets sesong og står med 32 poeng på 18 kampar. Det er foreløpig nok til ein 4. plass, og eit hakk over oss på tabellen. Det er berre to poeng som skiljer, og kampen på måndag kan altså endre på tabellen. På heimebane har Moss vunne 6 kampar av 9 moglege i tillegg til uavgjort i 1 kamp. Berre Vålerenga og Egersund har reist frå Melløs med 3 poeng i år.
Toppscoraren til Moss er Sebastian Pedersen med 7 mål. Høgreback Marius Andersen toppar lista over flest målgjevande pasningar, og er eit viktig våpen for vår neste motstandar. I heimekampen mot Moss sikra me 3 poeng etter at Felix Eriksson sendte eit frispark rett i mål. Den eine scoringa var nok til å sikre sigeren når Lars Jendal stengte buret. På måndag går me for å ta full pott og alle 6 poenga mot Moss i 2024!
Me håpar å sjå deg på Melløs på måndag. Kampen har avspark kl. 19:00, og me håpar at alle Sogndalssupportarar i området tek turen! Kle dykk i svart og kvitt, og ta med vennar og familie. Me treng all den støtta me kan få frå bortefeltet!
For dei som ikkje har moglegheit til å sjå kampen på Melløs kan den sjåast på Tv2 Play eller Direktesport/Sogn Avis. Me oppdaterar også i våre kanalar!
STAO NO PAO!
