Runde 20: Sogndal - Ranheim
Ranheim kjem på besøk, og me har mykje å revansjere! A-laget
Sogndal - Ranheim
-
Søndag 25. august kl. 17:00
-
Fosshaugane Campus
-
OBOS-ligaen 2024, runde 20
Etter ein svak kamp førre serierunde er me no klare for revansje. Ranheim kjem til Fosshaugadn, og me skal trøkke til og går for siger!
Ranheim har tatt 21 poeng på dei 19 fyrste kampane i årets sesong. På tabellen gir det ein 11. plass, men det er tett mellom laga og kort veg både oppover og nedover. På bortebane har vår neste motstandar 1 siger, 4 uavgjorte og 5 tap, og berre Sandnes Ulf og Start har færre poeng ute på tur. Sigeren kom borte mot Aalesund 23. juni, og etter eit tidleg mål i mot snudde dei kampen til 1-2. Ranheim kan vera ein tøff motstandar, og me må vera klare på søndag.
Ranheim har tatt dobbelt så mykje poeng heime som borte, noko me fekk merke godt i fyrste kamp etter ferien. Kampen i Ranheimsfjæra enda med 3-0-tap og me har mykje å revansjere i heimekampen. John Hou Sæter med 11 mål og Bendik Bye med 9 mål er dei to som har scora flest for Ranheim. John Hou Sæter har i tillegg 7 målgivande pasningar, og er den desidert mest målfarlege spelaren for dei blå og kvite.
Me har mykje å revansjere på søndag, og det er ingen tvil om at me går for siger. Det blir ein tøff kamp, men på heimebane skal det vera tøft å møte oss. Ein viktig grunn til det er sjølvsagt publikum, og me håpar at du kjem på kamp på søndag! Saman skal me ta 3 poeng og komme tilbake på vinnarsporet!
STAO NO PAO!
