Runde 23: Sandnes Ulf - Sogndal

Det har vore ei tung rekke med kampar i det siste, og karadn har ikkje levert opp mot nivået dei kan. Saman jobbar me hardt for å snu trenden, og no går turen til Sandnes. Det blir ein tøff kamp mellom to lag som treng poeng, men karadn er klare for å gå i krigen!

Sandnes Ulf har hatt ein tung sesong, og ligg på jumboplass i OBOS-ligaen. Vår neste motstandar opna sesongen ganske bra med sigrar mot Raufoss og Bryne i tillegg til å slå Odd ut av cupen. Sidan sigeren mot Bryne på fotballens nasjonaldag har dei spelt 14 kampar og berre vunne 1. Det har vore ei lang rekke med tap for dei lyseblå, og no treng dei verkeleg poeng for å sikre plassen i OBOS-ligaen.

Ringreven Tommy Høiland er toppscorar for Sandnes Ulf med sine 8 mål. Bak han på toppscorarlista finn ein Daniel Braut med 3 mål. Høiland toppar også lista over målgivande pasningar, og er definitivt den farlegaste angrepsspelaren for Sandnes Ulf. 

I mai var Sandnes Ulf på besøk på Fosshaugadn, og kampen vart ein skikkeleg fest for oss. Flataker x2, Øren, Baidoo og Hintsa sørga for ein herleg 5-1-siger i ein periode med tett kampprogram. Sjå høgdepunkta frå kampen under:

Det har vore ein tung periode både på og utanfor bana, men no skal me snu det. Då treng me verkeleg støtta frå tribuna, og me håpar det kjem ein god gjeng til Sandnes. Saman skal me ta 3 poeng og kome tilbake på vinnarsporet!

Kjøp billett her!

STAO NO PAO!