Runde 24: Sogndal - Bryne

Ny kamp gjer nye moglegheiter, og allereie på onsdag kjem Bryne på besøk. Me går sjølvsagt for siger og håpar du kjem for å støtte oss.

Bryne er på stø kurs mot Eliteserien og har hatt ein flott sesong til no. Etter 23 kampar står dei med 43 poeng og ligg på 2. plass i OBOS-ligaen. 13 sigrar, 4 uavgjorte og 6 tap er fasit før siste del av sesongen, men 5 av tapa har kome på bortebane. Bryne har ikkje tapt sidan bortekampen mot Moss i juni, og i førre kamp tok dei eit sterkt poeng heime mot Vålerenga. Med berre 7 kampar igjen av sesongen er dei godt i rute til å rykke opp, og det blir vår oppgåve å sette ein stoppar for det.

Statistikken viser at Duarte Moreira er toppscorar med 10 scoringar. Vidare på lista finn ein Alfred Scriven med 5 og Sjur Jonassen med 4. På lista over flest målgivande pasningar er det Luis Görlich som toppar med 8 stykk. Jon Helge Tveita med 5 og Alfred Scriven følgjer like bak.

Vårt fyrste tap denne sesongen kom mot nettopp Bryne i slutten av april. Ein sjansefattig kamp enda med 1-0 etter at Christian Landu Landu pirka ballen i mål før eitt minutt var spelt. Ein skuffande prestasjon på Jæren gjer sjølvsagt at karadn vil vise at me kan betre når Bryne kjem på besøk.

Sparebanken Vest, Toyota Sogn, Sognekraft, Amfi Sogningen, Aider, Trucknor og Circle K Sogndal inviterer saman med oss i Sogndal Fotball til gratis Obosligakamp for både store og små i Sogndal Kommune! For å hente ut gratisbillett følgjer ein lenkja nedst i saka og bruker promokoden Sogndal1234! Velkommen på kamp!

Den siste tida har vore tøff, men det er no me verkeleg treng å stå samla. Lat oss mobilisere og gjere alt me kan for å snu trenden. Kampen mot Bryne blir vanskeleg, men med deg på tribuna kan me ta 3 poeng! Ta turen til Fosshaugadn, stikk innom Skraol før kampen og hjelp karadn til å ta sigeren.

Kjøp billett her!

STAO NO PAO!