Rundeoppsummering Kretsligaen: Runde 16

Runde 16 av Kretsligaen 2024 er ferdigspelt, og her kjem ei kort oppsummering av alle kampane:

Eid - Sandane 4-1 (2-0)

Mål: 1-0 Kristian Lefdal 5 min, 2-0 Henrik Vingen Vedeld 43 min, 3-0 Kristian Årskog 53 min, 4-0 Kristian Lefdal 60 min, 4-1 Hermann Elliot Hebard 89 min.

Gult kort: Noah Aleksander Taklo, Eid. 

Eid vinn komfortabelt heime mot Sandane, og det endar 4-1 på Eid Stadion. Heimelaget tok leiinga tidleg og sigeren var aldri trua. Sigeren gjer at Eid aukar luka nedover på tabellen og dei held fast på 3. plassen. Sandane ligg på 7. plass med 17 poeng.

Vik - Sogndal 2 0-1 (0-0)

Mål: 0-1 Noah Heggestad 90+5.

Gule kort: Sander Sjøthun Heggestad, Sogndal 2. Jaran Tryti, Vik.

Sogndal 2 tek med seg alle 3 poenga frå Vik, men sigeren sat langt inne. Vinnarmålet kom ikkje før 5 minutt på overtid når Noah Hegestad stanga inn 0-1. Sogndal 2 ligg framleis eitt poeng bak Fjøra med ein kamp mindre spelt. Vik ligg på 9. plass med 8 poeng.

Måløy - Dale 2-2 (1-2)

Mål: 0-1 Vegard Eikevik Dyrstad 10 min, 0-2 Vegard Eikevik Dyrstad 30 min, 1-2 Marko Ntontai Or Dodaj 45 min, 2-2 Tor-Erik Tvendeseter Kupen 84 min.

Gule kort: Aaron Sande Rennestraum, Dale. Magne Elde (Trener), Måløy. Øyvind Reed (Ass.trener), Måløy.

Måløy kjem tilbake på heimebane mot Dale og sikrar eit viktig poeng. Det tettast til i botn av Kretsligaen og det blir ein spennande avslutning på sesongen. Måløy ligg på 11. plass med 4 poeng og har berre eitt poeng opp til Stryn. Dale ligg på 6. plass med 23 poeng.

Fjøra - Stryn 5-0 (3-0)

Mål: 1-0 Mathias Sunde Årdal 4 min, 2-0 Malvin Gjerde 18 min, 3-0 Malvin Gjerde 45 min (str), 4-0 Malvin Gjerde 53 min, 5-0 Malvin Gjerde 67 min.

Gule kort: Marius Konstali-Lødemel, Stryn. Karsten Hauge, Stryn.

Fjøra vinn komfortabelt 5-0 heime mot Stryn. Malvin Gjerde er tilbake i scoringsform og banka inn heile 4 mål. Heimelaget beheld tabelltoppen i Kretsligaen med Sogndal 2 like bak. Stryn ligg på 10. plass med 5 poeng.

Førde 2 - Høyang 5-3 (3-0)

Mål: 1-0 Daniel Gjelsvik 3 min, 2-0 Kasper Rath Kaaber 11 min, 3-0 Jonas Frøiland Nistad 42 min, 3-1 Magnus Kyrkjebø 49 min, 4-1 Emil Turøy Berge 56 min, 4-2 Magnus Kyrkjebø 62 min, 4-3 Magnus Kyrkjebø 74 min, 5-3 Elias Løkkebø Lekva 90 min (str). 

Gule kort: Eirik Råsberg, Høyang. Vegard Otterlei Fløholm, Førde 2. Jonathan Østerbø Breidvik, Høyang. Marius Varden Fossen (Trener), Høyang. Håvard Sunde Sandal, Førde 2.

Raudt kort: Eirik Råsberg, Høyang. (2. gule) Marius Varden Fossen (Trener), Høyang. (2. gule)

Ein målrik og intens kamp endar med 5-3-siger til heimelaget. I løpet av to minutt i andreomgang fekk Høyang raudt kort på både spelar og trenar, og det vart tøft å hente inn leiinga til Førde 2. Høyang ligg no på 4. plass med 27 poeng, medan Førde 2 ligg på 5. plass med 24 poeng.

Neste runde i Kretsligaen spelast slik:

• Eid - Vik, laurdag kl. 14:00
• Fjøra - Høyang, laurdag kl. 15:00
• Måløy - Jølster, laurdag kl. 15:00
• Dale - Førde 2, søndag kl. 14:00
• Stryn - Sogndal 2, måndag kl. 19:00

STAO NO PAO!