Sogndal NG15 toppar tabellen etter 5 av 8 kampar!

Sogndal NG15 er eit lag som består av spelarar frå ulike klubbar i fylket. I tillegg til spelarane frå Sogndal er me heldige å få nytte unge lovande talent frå resten av fylket. Desse trenar saman fleire gonger i veka og spelar kampar mot dei beste talenta i landet. Våre gutar har imponert i seriestarten og står med 4 sigar på 5 kampar. Det betyr tabelltopp i gruppe D med 3 kampar igjen å spele!

Det vart ein god start på sesongen med siger borte mot Raufoss. Karadn fulgte opp med ein flott siger heime mot Odd, medan Kongsvinger snudde 3-1 til 3-4 i kamp 3. I dei to siste kampane har det vorte siger mot både Raufoss og Mjøndalen. Her er resultata i kampane til NG15 so langt:

• Raufoss - Sogndal 3-5
• Sogndal - Odd 2-0
• Sogndal - Kongsvinger 3-4
• Sogndal - Raufoss 2-0
• Sogndal - Mjøndalen 3-1

Bileta under viser nokre av spelarane som har spelt for Sogndal NG15 denne sesongen:

Det gjenstår endå 3 kampar av gruppespelet, og mange moglegheitar for vidare utvikling. Dette er ein god arena for våre unge talent til å møte god motstand, og å ta det neste steget. Dei tre neste kampane spelast slik:

• Odd - Sogndal, laurdag 1. juni kl. 12:00
• Mjøndalen - Sogndal, laurdag 8. juni kl. 13:00
• Kongsvinger - Sogndal, laurdag 22. juni kl. 11:30

I haustsesongen blir alle laga i dei nasjonale seriane fordelt i nye grupper basert på tabellplasseringa i vår. Dei laga som kjem på 1. plass i gruppespelet møter laga som enda på 1. plass i dei andre gruppene. Det betyr at ein 1. plass i gruppespelet sikrar kampar på det aller høgaste nivået i haust. 2. plass i gruppespelet gir kampar mot laga som kom på 2. plass i dei andre gruppene, og tilsvarande for kvar plassering.

Me ønskjer Sogndal NG15 masse lukke til med resten av kampane i gruppespelet, og dei kampane som kjem i haustsesongen!

STAO NO PAO!