Stabæk - Sogndal
Nadderud Stadion, måndag 11. april kl. 18:00
Me er klare for den andre runden av OBOS-ligaen. No står Stabæk på Nadderud Stadion for tur.
To av rundens kampar er allereie avvikla. I Bergen var det skikkeleg lokalderby, der storfavoritt Brann måtte gå av bana med berre eitt poeng etter 1-1 mot Åsane. Grorud og Fredrikstad spelte óg uavgjort, 2-2 vart det i Groruddalen.
Slik går resten av runden
Både Stabæk og Sogndal vann i første serierunde. Det er eit godt lag me skal kjempa mot – her må me trøkka til og vera opp mot vårt beste. Her er resultata frå den første serierunden
Våre karar fekk ein kviledag på onsdag, resten av veka har vore prega av gode treningsøkter der Tore André Flo har vore godt nøgd med karane sine.
Me snakka med trenaren vår like før han satte seg på bussen i lag med resten av karane i går.
For litt over ei veke sidan kom Ulrik Mathisen til oss. Han har funne seg godt til rette i Sogndal og gjorde ein god debutkamp mot Raufoss. No gler han seg til å spela mot nokre av kompisane sine i Stabæk i morgon. Han skal trøkka litt ekstra til mot dei, og Ulrik går for tre poeng!
Me håpar at mange tek turen og støttar karane. Med hjelp frå vår tolvte mann skal me returnera til Saftbygda med tre poeng i bagasjen!
Les her korleis du får kjøpt billett, og korleis du kjem til Nadderud Stadion
Stabæk - Sogndal
Nadderud Stadion
Avspark klokka 18:00
Stao no pao!!
