Sterkt poeng for Sogndal 2

Det vart ein litt tung start på kampen for karadn våre. Etter 9 minutt scora Fu/Vo kveldens fyrste. Mads Kjernsby Rismoen satte ballen bak Jarik Sundling i Sogndalmålet. Etter 35 minutt vart utgangspunktet endå verre når Emanuel Grønner fekk raudt kort og måtte gå i garderoben tidligare enn resten. Heldigvis var Anders Johannesen Nord i scoringshumør. 

Etter 60 minutt spelt fekk Sogndal corner. Nord møtte ballen kort, dribla av forsvaret og fekk skutt. Ballen sneik seg forbi både keeper og forsvarar sine forsøk på blokkering. 1-1 etter ein flott cornervariant, og det skulle koma meir frå sogndølen. Når det var spelt 80 minutt fekk heimelaget frispark utanfor 16 meteren. Nord sendte ballen hardt rundt muren og inn i det høgre hjørnet av målet. Ei flott scoring som sendte Sogndal 2 opp i 2-1.

Diverre kom utklininga berre 4 minutt seinare. Eit langt frispark vart lagt inn i boksen. Der fekk ikkje forsvaret klarert og på bakerste stod Mads Kjernsby Rismoen som satte sitt andre for kvelden. 

Eit sterkt poeng for Sogndal 2 etter å ha spelt med 10 mann store delar av kampen. Anders Johannesen Nord noterte seg for to flotte scoringar, og ein sikra eit poeng som kan bli viktig i innspurten! Neste kamp går neste laurdag. Då er det bortekamp mot Førde som står på kalendaren.

• Førde - Sogndal 2, laurdag 14. oktober klokka 14:00

Statistikk, tabell og resultat i Sogndal 2 sin avdeling finn du her!

STAO NO PAO!