Støtt Sogndal FK Damer i cupkampen mot Åsane!

• Sogndal FK - Åsane
• Onsdag 5. juni kl. 17:00
• Fosshaugane Campus
• 2. runde i NM 2024

Onsdag 5. juni møter Sogndal FK Damer toppserielaget Åsane til cupfest på Fosshaugadn. I fjor klarte dei å halde toppserielaget Arna-Bjørnar til ekstraomgangar, og i år går dei for å detonere ei cupbombe på Fosshaugadn. Difor treng dei hjelp frå publikum til å skape eit skikkeleg trøkk, og vil sjå DEG på kamp!

Sogndal FK spelar i 2. divisjon og er på veg opp og fram. Åsane spelar i Toppserien, men har endå ikkje vunne i år. Det er gode moglegheiter for siger, og ein kamp du ikkje vil gå glipp av!

Saman med Sogndal FK Damer inviterer me alle breiddelaga i Sogndal Fotball til kamp. Det er fri inngang for alle spelarar, trenarar/lagleiarar og foreldre. Me oppmodar alle om å kle seg i profilerte klede, og til å bli med Saftkokaradn på Lerumtribuna for å skape stemning på kampen. Bruk inngangen ved Bakkeplassen for enklast tilgang til tribuna. Det blir kiosksal på hovudtribuna under kampen. Etter kampen blir det tatt lagbilete saman med spelarane, Saftkokaradn og alle som har heia på Lerumtribuna!

Ta turen til vårt flotte Fosshaugane Campus, onsdag 5. juni klokka 17:00! Me ønskjer Sogndal FK Damer masse lukke til, og håpar på siger mot Åsane!

STAO NO PAO!