Tobias på utlån
Bjørnebye håpar på speletid for Hødd i Post Nord-ligaen
Sogndal Fotball og Hødd er samde om ein utlånsavtale for Tobias Bjørnebye.
I første omgang varar avtalen til og med 8. september.
Overgangsvindauget er stengt, men denne låneavtalen kjem under Nasjonal Utlånsordning for spelarar i alderen 18-22 år. Les meir om dette her.
Tobias reiste til Ulsteinvik på måndag, og har vore med på treningane denne veka.
- Det var veldig kjekt å sjå gutane att! Eg likte meg veldig godt her då eg var her sist, seier Tobias.
Den unge trøndaren kan få redebuten i den blå drakta allereie på laurdag. Då skal Hødd spela mot Mathias Sundberg og Tromsdalen i Troms.
- For Tobias er det viktig å få ein god kampkvardag for å sikra han ein vidare god utvikling, seier Håvard Flo.
- Eg håpar å få spelt mange kampar mens eg er i Hødd, slik at eg kjem tilbake til Sogndal matchfit og nærare kampar i kvitedrakta, seier Tobias.
- Det er positivt at Tobias tek denne sjansen som vil gi han mykje og god speletid i ein tøff Post Nord-liga. Han kjem til ein klubb han kjenner godt frå før og me ynskjer han lukke til - og så gler me oss til han kjem tilbake til Fosshaugane, avsluttar Håvard Flo.
Lukke til på Hødd, Tobias!
