Trenarteamet for 2024 er klart!
Det blir endringar i trenarteamet i 2024. Dette er gjengen Tore André får med seg neste sesong! A-laget
Førebuingane til ein ny sesong held fram, og no er trenarteamet for 2024 klart. Det blir nokre endringar frå i fjor, og me har trua på at denne gjengen vil gjera ein god jobb i neste sesong!
Rune Bolseth blir toppspelarutviklar og høyrer frå neste sesong til utviklingsavdelinga i klubben. Han vil framleis ha ei viktig rolle inn mot A-laget og har ansvar for diverse element rundt midtbana og det offensive.
- Eg er takknemleg for at eg får denne moglegheita frå Sogndal Fotball. Når eg fekk spørsmålet kjende eg med ein gong at dette har eg lyst til.
— Nils Tore Krosshaug
Nils Tore Krosshaug er ny i trenarteamet. Etter 4 sesongar som hovudtrenar for Sogndal 2 skal han no jobbe saman med Tore André og resten av gjengen rundt A-laget. - Eg er takknemleg for at eg får denne moglegheita frå Sogndal Fotball. Når eg fekk spørsmålet kjende eg med ein gong at dette har eg lyst til. Høyr intervju med han under:
Slik blir trenarteamet og støtteapparatet i 2024:
- Hovudtrenar: Tore André Flo
- Assistenttrenar: Nils Tore Krosshaug
- Keepertrenar: Geir Stenehjem
- Fysisk ansvarleg: Knut Ripe
- Toppspelarutviklar: Rune Bolseth
- Fysioterapeut: Vegard Bjørklund
- Materialforvaltar: Dag Martin Fardal
- Klubblege: Anders Rosø
- Massør: Øyvind Brennset
