Runde 21: Raufoss - Sogndal

Etter ein litt tyngre periode reiser me til Toten for å snu trenden. Me møter Raufoss på Nammo Stadion i den 21. runden av OBOS-ligaen 2024!

Raufoss ligg på 9. plass på tabellen og står med 26 poeng på 20 kampar. På heimebane har dei vunne 4 kampar og spelt uavgjort 1 gong, som betyr at dei har tatt like mange poeng både heime og borte. Samanlikna med resten av laga i OBOS-ligaen er dei "berre" det 12. beste heimelaget. Samtidig viser sterke sigrar som 4-1 mot Egersund og nokre gode prestasjonar utan poeng at dei er eit tøft lag å møte på Nammo.

I heimekampen mot Raufoss enda det 1-1 etter ein litt frustrerande kamp. Laget frå Toten skapte problem for oss og påførte oss årets fyrste poengtap på Fosshaugadn. No er det vår tur til å bryte sigersrekka til Raufoss, og på måndag er karadn klare for ein ny kamp.

Tidlegare i sommar annonserte me signeringa av Jamal Deen Haruna frå nettopp Raufoss. Han er for tida på lån i sin tidlegare klubb og skal spele for dei ut sesongen.

Les meir om signeringa her!

Vår nyaste signering, Emmanuel Mensah er speleklar til kampen mot Raufoss. Han er ein spennande kantspelar frå Ghana som har vore på prøvespel hjå oss den siste månaden. Me gler oss til å sjå han i aksjon, og kanskje får han sine fyrste minutt allereie no på måndag.

Les meir om Emmanuel Mensah i denne saka!

Raufoss inviterar til kronekamp på måndag, som betyr at det er gratis inngang for alle supportarar. Alle som vil på kamp må framleis hente ut billett, men alle billettane er gratis. Me håpar mange tek turen og at våre trufaste supportarar heiar oss fram til siger på Nammo Stadion på måndag! Kampen kan ein også sjå Tv2 play eller på Direktesport/Sogn Avis.

Hent gratisbillett her!

STAO NO PAO!